“Марғилон Файз савдо комплекси” акциядорлик жамияти акциядорлари диққатига!

2024-09-18 17:35

“Марғилон Файз савдо комплекси”  акциядорлик жамияти акциядорлари диққатига!

        “Марғилон Файз савдо комплекси” АЖ 2024 йил 12 октябрь шанба куни соат 10-00 да Фарғона вилояти, Қўштепа тумани, Сармозор ҚФЙ, Б.Марғилоний кўчасида жойлашган жамиятнинг маъмурий биносида акциядорларининг навбатдан ташқари умумий йиғилиши ўтказилишини маълум килади.

Акциядорларни рўйхатга олиш соат 09-00 дан бошланади.

Акциядорларнинг навбатдан ташқари умумий йиғилиши кун тартиби қуйидагича:

1. Умумий йиғилиш регламенти ва саноқ комиссияси таркибини тасдиқлаш.

2. “Марғилон файз савдо комплекси” АЖ дан янги юридик шахсни ажратиб чиқариш орқали жамиятни  қайта  ташкил этиш;

3. “Марғилон файз савдо комплекси” АЖ дан янги юридик шахсни ажратиб чиқариш тартиби ва шартларини тасдиқлаш;

4. Янги юридик шахс-“Qo’shtepa poyabzallar va mebel jihozlari savdo kompleksi” МЧЖ ни ташкил этиш, таъсисчилар таркибини ва устав фондини белгилаш;

5. Янги юридик шахс-“Qo’shtepa poyabzallar va mebel jihozlari savdo kompleksi” МЧЖ устав ва таъсис шартномасини тасдиқлаш;

6. Янги юридик шахс-“Qo’shtepa poyabzallar va mebel jihozlari savdo kompleksi” МЧЖ ижро органи раҳбарини тайинлаш;

7. “Марғилон файз савдо комплекси” АЖ нинг акцияларини ажралиб чиқаётган янги юридик шахс-“Qo’shtepa poyabzallar va mebel jihozlari savdo kompleksi” МЧЖ нинг  улушига айирбошлаш ва айирбошлаш имкониятлари ҳамда бундай айирбошлаш тартибини тасдиқлаш.

8. Тақсимлаш балансини тасдиқлаш.

9. “Марғилон файз савдо комплекси” АЖ  акцияларининг умумий сонини қисқартириш йўли билан устав фондини камайтириш ва жамият уставининг янги таҳририни тасдиқлаш.

10. “Марғилон файз савдо комплекси” АЖ нинг аввал рўйхатдан ўтган қўшимча акциялар чиқарилиши тўғрисидаги қарор(лар)ига киритилган ўзгартириш ва қўшимчалар матнини тасдиқлаш.   

         Жамият акциядорларининг навбатдан ташқари умумий йиғилиши ўтказилиши ҳақида хабар қилиш учун жамият акциядорлари реестри 2024 йил 18 сентябрь ҳолатига ва умумий йиғилишда иштирок этиш хуқуқига эга бўлган акциядорларнинг реестри 2024 йил 
08 октябрь ҳолатига тузилади.

Умумий йиғилишда қатнашиш учун акциядорлар ўзлари билан бирга шахсларини тасдиқловчи хужжат (паспорт), акциядорлар вакиллари эса белгиланган тартиб бўйича ишончнома билан келишлари сўралади.

Ҳурматли “Марғилон Файз савдо комплекси”  АЖ акциядорлари!

“Марғилон файз савдо комплекси” АЖ ни ажратиб чиқариш шаклида қайта ташкил этилиши муносабати билан “Акциядорлик жамиятлари ва акциядорларнинг ҳуқуқларини ҳимоя қилиш тўғрисида”ги Қонуннинг 40-41 моддаларига асосан, ўзингизга тегишли акцияларнинг ҳаммаси ёки бир қисмини бозор қиймати бўйича жамият томонидан қайтариб сотиб олинишини ҳақида талаб қилишга ҳақлидирсиз. Жамиятнинг бир дона акциясининг бугунги кундаги бозор қиймати 1390 сўмни ташкил этади.

Акциядорнинг ўзига тегишли акцияларни қайтариб сотиб олиш тўғрисидаги ёзма талаби акциядорнинг яшаш жойи (жойлашган ери) ва унинг қайтариб сотиб олинишини талаб қилаётган акциялар сони кўрсатилган ҳолда жамиятга юборилади.

Акциядорларнинг ўзларига тегишли акцияларнинг жамият томонидан қайтариб сотиб олиниши тўғрисидаги ёзма талаблари акциядорлар умумий йиғилишининг тегишли қарори қабул қилинган кундан эътиборан ўттиз кундан кечиктирмай жамиятга тақдим этилиши керак. Мазкур муддат тугаганидан сўнг жамият қайтариб сотиб олиш талабини қўйган акциядорлардан акцияларни ўн кун ичида қайтариб сотиб олинади.

              Акциядорлар умумий йиғилишига оид ҳамда акцияларни жамиятга қайтариб сотиб олиниши бўйича қўшимча маълумотлар олиш учун Фарғона вилояти, Қўштепа тумани, Сармозор ҚФЙ, Б.Марғилоний кўчасида манзили бўйича жамиятнинг бош офиси биносидаги қимматли қоғозлар бўлимига мурожаат қилишларингиз мумкин.

Тел-99893-970-10-04. Электрон почта манзил-margfayz@mail.ru